Vivienne, vajza 18-vjeçare e Angelina Jolie dhe Brad Pitt, u fotografua teksa prezantonte dhe shiste krijimet e saj artistike në një treg lokal në Los Angeles.
E reja, e cila së fundmi bëri të ditur se dëshiron të heqë dorë nga mbiemri i të atit, ishte në shoqërinë e vëllait të saj binjak, Knox. Ai e shoqëroi dhe e mbështeti gjatë aktivitetit në tregun e rrobave të përdorura.
Sipas Daily Mail, 18-vjeçarja përdor emrin The Tulip Fields për aktivitetin e saj artistik. Në stendën e saj ajo kishte vendosur një koleksion kartolinash me vizatime dhe afishe, të cilat shiteshin me çmime nga 10 deri në 25 dollarë.
Vivienne u angazhua drejtpërdrejt me blerësit dhe arriti të shiste një pjesë të madhe të punimeve. Për këtë dalje, ajo kishte veshur një bluzë të zezë dhe pantallona të gjera blu me kuadrata, ndërsa Knox kishte zgjedhur xhinse me lule të qëndisura dhe një bluzë të bardhë.
