Kryetari i Partisë Demokratike, Lulzim Basha ka zhvilluar sot një takim me mësues dhe pedagogë me rastin e 7 Marsit.
Ndër të tjera, Basha tha se sot fatkeqësisht nuk është një tryezë feste. Sipas tij gjendja për mësuesit në këto vite ka ardhur duke u përkeqësuar.
Ndër të tjera, kryetari i PD-së tha se gjatë këtyre 8 viteve, qeveria ka premtuar shumë investime për arsimin, por ato kanë mbetur vetëm fjalë. Sipas Bashës, mësuesit në Shqipëri, kanë ndër pagat më të ulëta në rajon.
“Sot nuk jemi rreth një tryeze feste. Fakti është se nuk mund të jemi sepse situata në vend që të vijë duke u përmirësuar ka ardhur duke u përkeqësuar. Në vend që mësuesve tu ofrohet përmes reformave kushtet dhe të ngrihen në piedestalin ku e meritojnë. Pagat e mësuesve shqiptarë kanë zbritur në nivelet më të papranueshme me të gjitha vendet e rajonit. Këto janë probleme shumë të mëdha që kanë ardhur duke u rënduar gjatë viteve të fundit. Ka munguar dhe vazhdon të mungojë përputhja e fjalëve me veprat. Mësuesit shqiptarë mbeten më të diskriminuarit. Çdo gjë që keni arritur në jetë, ju bëni sakrifica të mëdha, jemi të vetëdijshëm si PD për mungesat dhe mangësitë e jashtëzakonshme, ne jemi në krahun tuaj. Ta vendosim Shqipërinë aty ku duan familjet shqiptare. Me këtë urim për të nesërmen dhe të sotmen, duke ju falenderuar për praninë. Mendoj se dita e sotme është jo thjesht për të uruar por për të reflektuar dhe për t’u zotuar për atë që dop ndodhë nesër që 7 marsi të mos na gjejë në të njëjtën situatë”, tha Basha.
g.kosovari
