Ajo që u paraqit si dorëheqje e kreut të Shërbimit Informativ Shtetëror, në fakt nuk ishte largim me dëshirë, por një vendim i imponuar nga nivele të larta të politikës, shkruan Mapo.
“Të paktën këtë gjë ka lënë të kuptohet ish-kreu i SHISH-it, në një mbledhje që ka organizuar me bashkëpunëtorët e tij përpara zyrtarizimit të largimit nga detyra. Në mbledhjen e zhvilluar në SHISH, ku të panishëm kanë qenë disa nga drejtorët më të rëndësishëm të institucionit, Visho Ajazi, pasi u ka komunikuar largimin e tij nga detyra, ndër të tjera ka thënë se, ky nuk ishte vendim i tij” – shkruan gazeta në fjalë.
Sipas Mapos, një deklaratë e tillë, e bërë mes bashkëpuntorësh shton edhe më shumë dyshimet për largimin e kreut të shërbimit sekret, i cili kishte marrëdhënie të mira me krerët e shtetit.
SHISH-i, ishte institucioni i vetëm që ka dërguar informacione dhe raporte në Prokurori për grupin e Habilajve. Raporti i parë me të dhëna, emra, lëvizje konkrete, dhe veprimtarinë që kryente ky grup, i është dorëzuar Prokurorisë së Krimeve të Rënda, në verën e vitit 2016.
Ndërkohë, largimi i Visho Ajazit nga drejtimi i SHISH ishte i paritur, por vetë ish-kreu i këtij institucioni nuk ka bërë asnjë koment publik. /b.d
