Protestat e jelekëve të verdhë në Francë duket se kanë frymëzuar mijëra protestues në Holandë e Belgjikë.
Qindra protestues të dhunshëm të cilët mbanin “jelekë të verdhe”, u përleshën me policinë në përpjekje për të hyrë në ndërtesën e Parlamentit Europian në Bruksel.
Policia belge arrestoi më shumë se 400 protestues, të cilët hodhën gurë në vitrina e automjete, ndërsa përdori gaz lotsjellës dhe ujë për të shpërndarë turmën.
Protestuesit në Holandë e Belgjikë, dolën në rrugë për t’i dhënë zë ankesave të tyre rreth kostos së jetesës, dhe kërkuan dorëheqjen e qeverisë.
a.ç
