Të paktën një person ka mbetur i vdekur dhe disa të tjerë raportohen të plagosur, për shkak të aksidentimit të një treni pranë Aberdeen.
Ngjarja ka ndodhur pasi treni u nis nga Dundee drejt Aberdeenit, rreth orës 9.40 të mëngjesit të sotëm afër stacionit të vjetër hekurudhor Carmont.
Ndërkohë në vendngjarje kanë arritur të paktën 30 automjete të urgjencës dhe një ambulancë ajrore është dërguan në vendin e ngjarjes. Pretendohet se treni “Class 43 Inter7City” kishte tre anëtarë të ekuipazhit dhe gjashtë pasagjerë në bord.
Aksidenti vjen pas përmbytjeve të mëdha në zonë brenda natës që çuan në përmbytje të shpejtë në Aberdeen pas stuhive.
Rrjeti hekurudhor tha se shkaku i dyshuar ishte një rrëshqitje në tokë. Treni i përfshirë ishte i përbërë nga një lokomotivë dhe katër vagona. Kuptohet që lokomotiva dhe tre vagonat dolën nga shinat dhe rrëshqitën.
“Më vjen keq që mësoj për incidentin shumë të rëndë në Aberdeenshire dhe mendimet e mia janë me të gjithë të dëmtuarit. Faleminderit për shërbimet e urgjencës në vendngjarje.”– është shprehur kryeministri britanik, Boris Johnson.
