“Zgjohu se nuk ke bërë asgjë, zgjohu!” këto janë ulërimat rrëqethëse të familjarëve të 26-vjeçarit, Andi Zylyfi i cili u ekzekutua mbrëmjen e sotme në aksin Peqin-Elbasan.
Edhe pse 26-vjeçari është transportuar me urgjencë në spitalin e Elbasanit ai nuk ka mbërritur i gjallë.
Ndërkohë Ardit Uruçi i cili ishte në makinë me viktimën, është transportuar në spitalin e Traumës në Tiranë, për një ndihmë më të specializuar.
Ardit Uruçi, 23 vjeç ishte në një makinë me viktimën Andi Zylyfi pranë një lokali në fshatin Përparim të Peqinit, kur një automjet në lëvizje ka qëlluar në drejtim të tyre me kallashnikov.
Ka dyshime që kemi të bëjmë me një atentat të mirëorganizuar, ndërsa thuhet se bëhet fjalë për larje hesapesh mes bandash rivale.
Ndaj dy të rinjve janë zbrazur 2 karikatorë kallashnikovi, ndërsa autorët mundën të largoheshin pas ngjarjes. Aktualisht 23-vjeçar Uruçi ndodhet në gjendje të rëndë në reaminacionin e spitalit rajonal të Elbasanit.
g.kosovari
