Ky është momenti i shoqërimit të autorit të dyshuar Eduart Afmataj për vrasjen mbrëmjen e të premtes në Nikël. Motivi kryesor dyshohet të jetë një konflikt për çështje pronësie. Sipas banorëve të zonës, autori kishte një pjesë toke pranë familjes së viktimës dhe përplasjet mes tyre kishin nisur disa ditë më parë.
Mbrëmjen e djeshme, viktima dhe autori janë përfshirë në një debat pranë tokës në fjalë, ku situata ka degraduar duke çuar në krimin e rëndë. Autoritetet po vijojnë hetimet për zbardhjen e plotë të rrethanave të ngjarjes.
