Një polic është filmuar duke goditur një grua e cila mbante në krahë fëmijën e saj, ku si rezultat i goditjes së fortë foshnja bie me fytyrë në asfalt.
Videoja e filmuar në Shangai të Kinës, shfaq momentin kur polici godet nënën të cilën e rrëzon në tokë, teksa foshnja që bie me kokë në trotuar.
Ky incident ndodhi pas një fjalosje të shkurtër të policit dhe gruas e cila ishte gjobitur për parkim të paligjshëm, ku si rezultat i kësaj gruaja reagoi ashpër kundër policit duke e shtyrë atë.
Gjatë kësaj fjalosje dëgjohet vajza e vogël duke qarë teksa po përqafonte nënën e saj. Por, duket se sulmi ndaj policit ia vuri kapakun kësaj ngjarje, dhe në një moment ai humbi durimin dhe e rrëzoi nënën në tokë të cilën më pas e prangosin.
Sipas informata jozyrtare foshnja nuk ka pësuar lëndime serioze, kurse nëna e saj kishte mavijosje në syrin e majtë. Ndërkaq polici i filmuar është pezulluar deri në përfundim të hetimeve. /a.m.
