Policia londineze ka konfirmuar se shpërthimi i ndodhur mëngjesin e sotëm në një metro të Londrës është sulm terrorist.
20 persona janë raportuar të plagosur nga shpërthimi në metronë e Londrës. Mediat britanike shkruajnë se bëhet fjalë për një sulm terrorist. Policia është vënë në kërkim të një autori të dyshuar, i cili ka qenë i armatosur me një thikë dhe është larguar nga vendngjarja menjëherë. Ndërsa, skuadrat e bombave po punojnë për çaktivizimin e një pajisjeje të dytë.
***
Një shpërthim në Metronë e Londrës ka lënë disa të plagosur mëngjesin e së premtes.
Sipas “The Sun”, disa persona kanë pësuar djegie në fytyrë pas incidentit.
Mediat e huaja shkruajnë se shpërthimi ka shkaktuar edhe zjarr. “Daily Mail’ shkruan se një një kovë plastike, (brenda saj një çantë) në pjesën e prapme të metrosë kishte shpërthyer, por mbetet ende e paqartë se çfarë ishte dhe kush e kishte vendosur aty.
Mes të tjerash thuhet se të plagosurit kanë marrë djegie në fytyrë. Shpërthimi shkaktoi panik mes njerëzve që gjendeshin në metro, të cilët dolën të tmerruar nga treni. Sakaq, forcat e zjarrfikëses dhe policia ndodhen në vendin e ngjarjes dhe kanë ndërhyrë për zhbllokimin e situatës.
Raportohet se një person ka shpërthyer një bombë artizanale. Nuk dihet ende nëse bëhet fjalë për një sulm terrorist, por autori ka shpërthyer një armë artizanale, e cila ka shkaktuar tym në vagonin e fundit të trenit.
Persona të pranishëm ka rrëfyer momentet e tmerrit në stacionin Parsons Green.
“Unë jam e sigurt, thjesht duhet të vrapoja për jetën time në stacion. Kishte shumë të plagosur”, shkruan Emma Stevie.
“U evakuuam në panik”, tha Ben Lee.
Ndërsa, një tjetër përdorues i mediave sociale tha: “Çfarë po ndodh në Parsons Green, panik dhe zjarr nga një shpërthim”.
Londra goditet disa herë në pak muaj
Britania e Madhe është tronditur shumë herë nga sulmet terroriste. Një tjetër sulm ka krijuar panik mëngjesin e sotëm në Londër. Autoritetet kanë nisur menjëherë hetimet për të zbuluar nëse bëhet fjalë për një tjetër sulm terrorist.
Vetëm pak muaj më parë, në qershor të këtij viti, Londra u godit nga dy sulme terroriste të njëpasnjëshme, në të cilët mbetën disa të vrarë. Në sulmin e parë një furgon i bardhë u fut mes këmbësorëve në urën e Londrës, duke iu marrë jetën disa personave. Ndërsa, sulmi i dytë ishte me thikë, ku klientët e një restoranti u therën nga disa persona. Nga këto sulme mbetën 7 persona të vdekur, ndërsa 20 të tjerë përfunduan në spital me plagë të shumta./a.ç
Pasagjerët u evakuuan menjehere. Ja pamjet qe kane publikuar mediat:
