Gazeta turke Hurriyet ka publikuar videon e një incidenti të ndodhur këtë të mërkurë, mes një anije të rojes bregdetare turke dhe një anije të armatosur të marinës helene.
Incidenti ka ndodhur në zonën pranë Imisë
Në video duket se si anija turke Koycegiz i afrohet me shpejtësi anijes Nikiforos të marinës helene, çka për pak ka çuar në një përplasje që mund të ishte fatale në marrëdhëniet mes dy vendeve.
Anija turke shpejton deri në anën e Nikiforos, duke krijuar kontakt me anijen greke, por pa ndikim.
Grekët e kanë konsideruar këtë si një provokim nga ana e Turqisë, provokim që është i disati me radhë dhe ka tensionuar marrëdhëniet mes dy vendeve.
a.ç
