Është duke u luajtur në “Estadi Nacional”, sfida e vlefshme për kualifikueset e “Euro 2020”, mes Andorrës dhe Shqipërisë. Pas disfatës në shtëpi ndaj Turqisë, kuqezinjtë e drejtuar nga dyshja Bulku-Mema, do të kërkojnë triumfin e parë në këto kualifikuese, duke lënë pas zhgënjimin.
Për sa u përket precedentëve të mëparshëm, mes tyre dy ekipet kanë luajtur 3 herë: 2 fitore për Shqipërinë dhe 1 fitore për Andorrën. Shqipëria ka fituar 3- 0 dhe 1-0, ndërsa ka humbur 0- 2.
Kombëtarja shqiptare do të ketë në dispozicion një shumë prej 150 mijë eurosh, për çdo fitore që do të arrijë këtë edicion në ndeshjet eliminatore. “Panorama Sport” zbulon ekskluzivisht nga burime të sigurta në institucionin e futbollit, se ka qenë vetë presidenti Armand Duka, i cili në një bisedë me futbollistët ka konfirmuar planin.
Për sa i përket formacionit zyrtar, trajnerët Bulku-Mema, kanë preferuar të bëjnë disa ndryshime në krahasim me sfidën ndaj Turqisë.
Ndryshe nga përballja e parë, në këtë takim do të startojnë nga minuta e parë, Aliji, Kaçe, Basha, Grezda dhe Sadiku, të cilët nuk u preferuan në formacionin titullar nga trajneri Panuçi në sfidën ndaj turqve. Ndërkohë janë ulur në stol, Veseli, Balliu, Memushaj, Balaj dhe Abrashi.
LIVE| ANDORRË-SHQIPËRI 0-1
Sadiku 21′
KOMENTI LIVE:
Mbyllet pjesa e parë.
44′ Goditje dënimi për Shqipërinë në afërsinë e 20-metrave. Kaçe gjuan me të djathtën, por topi shkon mbi traversë.
40′ Uzuni provon të depërtojë nga e djathta, por ndalet në momentin e fundit nga mbrojtësit e Andorrës.
34′ Tjetër aksion i rrezikshëm në zonën e Andorrës, Sadiku për pak sa nuk shënon golin e dytë.
33′ Pranë golit të dytë Shqipëria. E pabesueshme çfarë ka humbur Xhaka me portën e boshatisur nga shumë pranë vijës fatale. Me fat Andorra në këto minuta.
30′ Një tjetër aksion i rrezikshëm i Shqipërisë. Xhaka lëshon një predhë nga goditja e dënimit, grushton në vështirësi portieri Gomes.
27′ Drithërima në portën e Berishës, Klemente provon me një goditje fluturimthi nga distanca, topi shkon ngjitur me traversën.
26′ Andorra provon të rrezikojë me një goditje nga këndi, por Uzuni largon topin me kokë duke sfumuar një mundësi të vendasve.
21′ GOOOOOL SHQIPËRIA 0-1/ Armando Sadiku kalon në avantazh skuadrën e Bulkut pas një gafe të portierit kundërshtar. Kurrsesi nuk mund të gabonte bomberi i Kombëtares, i cili me portën e boshatisur e ka dërguar topin në rrjetë.
19′ Rrëmujë në zonën e Andorrës, nuk arrijnë të përfitojnë lojtarët e Kombëtares, portieri vendas largon topin në këndore.
15′ Shqipëria hidhet në sulm në kërkim të golit të avantazhit, vendasit provojnë të ulin rritmin e lojës me faulla të shumtë.
10′ Aliji harkon një top të rrezikshëm nga e majta, por largojnë në momentin e fundit mbrojtësit vendas.
6′ Lima ndëshkohet me karton të verdhë për ndërhyrje të gabuar ndaj Uzunit.
2′ Shqipërisë i mohohet një 11-metërsh i pastër pas ndërhyrjes së gabuar të futbollistëve vendas ndaj Grezdës, por gjyqtari vazhdon lojën.
1′ Start fantastik i Shqipërisë. Grezda depërton bukur nga e majta, harkon një top të rrezikshëm për Uzunin, i cili godet bukur, por topi stampohet në traversë.
Rasti uzunit on Vidnews.
1′ Ka startuar sfida, vendasit luajnë topin e parë nga qendra.
FORMACIONET ZYRTARE:
Shqipëria: Berisha, Hysaj, Ismajli, Gjimshiti, Aliji, Xhaka, Kaçe, Basha, Uzuni, Grezda, Sadiku. Trajner: Ervin Bulku
Andorra: Gomes, Rubio, Lovera, Lima, San Nikolas, Rodrigez, Rebes, Vales, Klemente, Martinez, Vieira. Trajner: Koldo Alvarez.
