Është rikonstruktuar sot më 3 prill, Pallati i Kulturës “Shefqet Doda” në Mat.
Lajmi është bërë me dije në rrjetet sociale nga ministri i Kulturës, Blendi Gonxhja. Ky i fundit shprehet se ka vizituar nga afër hapësirat e transformuara të këtij Pallati Kulture, së bashku me zv/kryeministren Albana Koçiu, Kryetarin e Bashkisë Mat Altin Bojni dhe deputetin socialist të kësaj zone, Agron Malaj.
Ministri deklaron se Pallati i Kulturës në Mat i është nënshtruar një rikonstruksioni tërësor, pas një gjendjeje të amortizuar me mobilim të vjetëruar, akustikë të dëmtuar, sistemi elektrik të degraduar dhe mungesë kushtesh funksionale.
Postimi i ministrit të Kulturës, Blendi Gonxhja
Mat, në Pallatin e rilindur të Kulturës “Shefqet Doda”, së bashku me zv.Kryeministren Albana Koçiu, Kryetarin e Bashkisë Altin Bojni dhe deputetin Agron Malaj, vizituam nga afër hapësirat e transformuara, i cili, falë mbështetjes së Ministrisë së Turizmit, Kulturës dhe Sportit, i është nënshtruar një rikonstruksioni tërësor, pas një gjendjeje të amortizuar me mobilim të vjetruar, akustikë të dëmtuar, sistem elektrik të degraduar dhe mungesë kushtesh funksionale, duke sjellë sot për qytetarët një ambient modern, të sigurt dhe dinjitoz në shërbim të jetës kulturore. #PunëteShqipërisë
