Një shofer u arrestua nga policia rrugore në Tiranë pasi për t’i shpëtuar masës administrative për shkelje, i dha 50 mijë lekë të vjetër punonjësit të policisë.
Shoferi u konstatua teksa qarkullonte pa rripin e sigurimit, dhe gjatë kryerjes së procedurave ai i ka futur mes dokumenteve një kartmonedhë 5 mijë lekëshe, me qëllim për të korruptuar policin. Efektivi ka njoftuar kolegët e rendit të cilët bënë të mundur arrestimin e drejtuesit të automjetit. Policia thotë se gjatë shoqërimit ka kundërshtuar dhe goditur punonjësit e policisë të Komisariatit numër 1.
Nga kontrollet e ushtruara në rrugët e Tiranës u konstatuan:
• 23 drejtues mjetesh që nga verifikimi rezultuan me detyrime të pashlyera
• 56 drejtues mjetesh për mospërdorim të rripit të sigurisë
• 22 drejtues mjetesh për shkelje të sinjalizimit të ndritshëm (semafor)
• 13 drejtues mjetesh të papajisur me sigurim të detyrueshëm
• 4 drejtues mjetesh për transport pasagjerësh të papajisur me certifikatë transporti profesional
• 6 drejtues mjetesh për drejtim mjeti nën ndikimin e alkoolit
• 128 drejtues mjetesh për shkelje të tjera të rregullave të qarkullimit rrugor
Gjithashtu nga kontrollet në funksion të Planit Operacional janë evidentuar dhe arrestuar në kushtet e flagrancës 6 drejtues mjetesh nga të cilët:
4 për drejtimi mjeti në gjendje të dehur në masën që varionin nga 0.55 mg/l deri në masën 1.56 mg/l
1 i papajisur me Leje Drejtimi/a.m.
