Kryeministri Rama ka hedhur akuza të forta ndaj opozitës lidhur me qëndrimin për hapjen e negociatave.
Shefi i qeverisë deklaroi se shqiptarët nuk mund ta imagjinojnë se ça i punojnë Shqipërisë në gjuhë të huaj deputetët e opozitës.
Kryeministri komentoi edhe takimin e Bashës me deputetët holandezë.
“Ata të cilët për arsyet e tyre jo për arsyet tona janë skeptikë apo kundër zgjerimit të BE, jo vetëm që nuk kanë kohë, por as dëshirë nuk kanë që të hynë më thellë si është kjo çështje. Përpjekja jonë ka kohë që është jo për të diskutuar thelbin e proceseve por për të rishpjeguar ato që në fakt janë muhabetet e kazanit këtu, që quhet parlamenti i Shqipërisë, që këtë e kanë kthyer në kazan dhe na kanë futur edhe ne.
Është e pabesueshme se ca i punojnë këta Shqipërisë në gjuhë të huaj. Këta e dinë atë që di edhe unë, që në Gjermani e kanë humbur betejën dhe prandaj kisha një pyetje për atë që nuk i përgjigjet pyetjeve, nuk do ti thoja sa bëjnë 7 x 7.
Nëse do kishte kurajo të dilte këtu e të thoshte ky që po mundohet të lobojë për Shqiperinë, çfarë ju tha atyre faktmbledhësve nga Hollanda në drekë, kur vajti atj i paftuar, çfarë i tha? Ndërkohë që për hir të së vërtetës qëndrimi i Tabakut dhe mosgaboj i Gjoshës ishte korrekt. Por ç’ju dëgjuan veshët atyre kur filloi të bilbilonte miku im i shtrenjtë dhe i pashpresë Lulzim Basha”, tha Rama
Javanews.al/a.ç
