Eksperti i IT, Shahin Dokuzi, i ftuar në studion e “Dita Jonë” nga Bora Shahini dhe Rei Bezhani, në A2CNN, foli mbi mesazhet dhe telefonatat e rreme që mund të na vijnë me qëllim marrjen e të dhënave tona bankare.
“Shitjet me AI kanë zëvendësuar shitjet tradicionale. Mund të vijë një telefonatë në shqip, mund të drejtohet edhe në emër, nuk është çudi. Mashtrohen edhe të rinjtë, kështu që edhe moshat e mëdha mund të bien pre e mashtrimit. Synimi është të na marrin të dhënat e kartës. Mund të thonë që keni një gjobë për të paguar, kështu që na jepni të dhënat e kartës që ta paguajmë për shembull. Është vështirë për t’u dalluar”, tha eksperti.
Sipas tij, “mund të vijnë edhe mesazhe të tipit “keni një pako për të tërhequr” dhe mesazhe të tilla ngacmojnë shumë”.
“Shumë blejnë një pako online dhe nëse vjen një mesazh i tillë, personi mendon që është pakoja që ka porositur dhe duhet paguar posta 1 dollar. Pa u menduar, vazhdon me pagesën”, shpjegoi eksperti.
