Kryeministri Rama ka garantuar qytetarët se reforma rrenjesore e ujit do të garantojë furnizimin normal pas shumë vitesh vuajtje.
Rama ka publikuar një material filmik në profilin e tij në rrjetin social “Facebook” ku shfaqen punimet që po kryhen për ujësjellësin e ri të Fierit.
Reformën për ujin e pijshëm, ai e ka vendosur si prioritet për vitin që vjen duke u shprehur se është e domosdoshme “për të fituar kohën e humbur çerekshekulli dhe të gjithë pasuritë tona natyrore ti kthejmë në mirëqenie e në pasuri për secilin”.
Statusi i plotë i Ramës:
“Në zonën e Fierit ku vijon puna për të garantuar furnizimin normal me ujë të pijshëm mbas shumë vite vuajtjesh e krize për ujë. Situata do të ndryshojë ndjeshëm në Fier e në të gjithë Shqipërinë, falë edhe reformës rrënjësore të nisur edhe në këtë sektor për të fituar kohën e humbur çerekshekulli dhe të gjithë pasuritë tona natyrore ti kthejmë në mirëqenie e në pasuri për secilin.”/a.ç
