Korrespondentja e Fox News, Jennifer Griffin, mbajti këtë të martë homazhe prekëse për kolegët e saj që u plagosën dhe u vranë gjatë mbulimit të luftës në Ukrainë.
“Humbja dhe dhimbja që ndjejmë është e madhe. Por nëse ka pasur ndonjëherë një kohë që bota kishte nevojë për gazetarë, reporterë që të rrezikojnë jetën e tyre për të treguar këto histori, për të thënë të vërtetën, ajo është tani”, tha Griffin.
Griffin gjithashtu nderoi kolegët e saj në mediat sociale me një artikull të gjatë që përfshinte imazhe dhe detaje të jetës dhe punës së tyre.
Kujtojmë se në gati tre javë luftë, disa gazetarë dhe reporterë të shtypit janë plagosur ose vrarë në Ukrainë. Forcat ruse vranë gazetarin dhe regjisorin amerikan, Brent Renaud, të dielën jashtë Kievit. Më 26 shkurt, dy gazetarë danezë të The Daily Beast u qëlluan dhe u shtruan në spital.
Gjithashtu dy gazetarë që punonin me Fox News u vranë gjatë kësaj jave, si dhe një tjetër u plagos jashtë Kievit të hënën, teksa raportonin për pushtimin rus. Kameramani i FoxNews Pierre Zakrzewski dhe përkthyesja e pavarur Oleksandra Kuvshynova vdiqën në Horenka kur automjeti i tyre u godit. Korrespondenti i Fox News Benjamin Hall u plagos dhe u shtrua në spital në të njëjtin incident.
Watch this. And then watch it again. Thank you @JenGriffinFNC pic.twitter.com/w5uexwdjrU
— Matt Reidy (@matthewjreidy) March 15, 2022
g.kosovari
