Një gjykatë në kantonin Schëyz të Zvicrës qendrore ka dënuar një shqiptar për shkak të mashtrimit të sigurimit, me një vit burg dhe 50 mijë franga gjobë.
Shqiptari ka marrë pension si invalid në Zvicër gjatë 23 viteve dhe në fund rezultoi se ai këtë e ka arritur duke mashtruar.
Nga sigurimi ai kishte marrë gjysmë milioni franga. Por një gjykatë në kantonin Schëyz të Zvicrës qendrore nuk kishte asnjë dyshim se i akuzuari është fajtor për mashtrim. Ai duhet të qëndrojë një vit në burg dhe të paguajë 50 mijë franga gjobë.
Para trupit gjykues i akuzuari i moshës 61-vjeçare u paraqit në karrocë të invalidit, por prokurori ishte i ashpër në vlerësimin e tij. Ai tha se bëhej fjalë për një aktor, i cili qëndron mirë me shëndet sapo të jetë në ambiente ku nuk ka njerrëz.
Para tri dekadave shqiptari kishte pasur hemoragji në tru dhe kishte hequr një tumor. Por, pastaj ishte shëruar. Pas kthimit nga një udhëtim në Maqedoni në vitin 1987 ai prezantoi një recetë mjeku dhe ecte me paterica. Prokurori ishte i mendimit se i akuzuari kishte arritur që edhe me ndihmën e gruas dhe djalit të tij t’i mashtrojë mjekët.
Në vazhdën e hetimeve autoritetet kishin gjetur një video nga dasma e djalit të të akuzuarit dhe aty ai shihet duke kërcyer. Nën akuzë ishin edhe djali dhe gruaja e shqiptarit. Djali u lirua, ndërsa gruaja u dënua me një gjobë prej 6’000 frangash.
