Një skenë tipike për filma është regjistruar në Britani. Pamjet e publikuara tregojnë se si policia thyen xhamat e një ‘Audi’ luksoz dhe nxjerr me dhunë shoferin nga makina.
Arrestimi i bujshëm ka ndodhur mëngjesin e sotëm në rrugën “Langston” në Loughton.
4 persona janë arrestuar për shkak të shpejtësisë së lartë. Por, teksa shoferi po përpiqej të largohej, policia i bën gjëmën.
Shoferi lëviz makinën dhe godet automjetet përreth për ti shpëtuar por policia mund të dëgjohet duke bërtitur ‘ngrini duart lart’ duke u munduar që të bllokojë rrugën.
Një oficer i armatosur përfundimisht përdor armën e tij për të goditur dritaren e makinës përpara se një burrë të tërhiqet zvarrë nga automjeti.
Tre persona të tjerë u tërhoqën nga pjesa e prapme e makinës ndërsa një helikopter qarkullonte sipër tyre në mbrojtje të policisë.
Policia Metropolitane konfirmoi se dy burra dhe dy gra u arrestuan në lidhje me një grabitje me thikë, shkruan “Daily mail”.
Ndjekja me shpejtësi të lartë e policisë filloi në zonën Enfield të Londrës para se të dyshuarit përfundimisht u ndaluan në Essex./ Javanews
g.kosovari
