Një video e publikuar nga televizioni klan tregon rastin e një dhune të paprecedentë ndaj një të mituri, ushtruar nga mësuesi i tij i gjeografisë në qytetin e Vlorës.
Pas publikimit të videos, policia ka kontaktuar të miturin me inicialet M.N, i cili ka kryer denoncimin kundër mësuesit të shkollës “24 maji”. Në përfundim të hetimit, policia ka nisur procedimin penal ndaj mësuesit të gjeografisë, për keqtrajtim të të miturve.
Më poshtë video e publikuar nga tvklan dhe njoftimi i policisë:
Lidhur me një video e publikuar në media, ku shfaqet nje mësues duke goditur një nxënës, njoftojmë se:
Policia e Vlorës ka kryer menjëherë verifikimet duke marrë kontakt me nxënësin M.N., (ky i fundit nuk ka bërë kallzim më parë lidhur me këtë situatë në strukturat policore).
Pas kontaktit nga Policia ai ka kallzuar se në datë 17.10.2017 gjatë orës së mësimit në shkollën ”24 Maji”, mësuesi L.H., e ka goditur me shpullë.
Në përfundim të hetimit Policia ka filluar procedimin penal, për veprën penale ”Keqtrajtim i të miturve”, ndaj shtetasit L.H., 64 vjeç.
Materialet proceduriale iu referuan Prokurorisë Pranë Gjykatës së Shkallës së Parë Vlorë, për veprën penale ”Keqtrajtimi i të miturit “, parashikuar nga neni 124/b i Kodit Penal./a.m.
