Zgjidhet misteri i gjendjes së liderit iranian Mojtaba Khamenei, pas muajsh të tërë zhdukjeje nga publiku.
Mediat shtetërore iraniane kanë publikuar një video arkivore të Udhëheqësit Suprem Mojtaba Khamenei, duke pretenduar se është bërë përpara se ai të merrte detyrën më të lartë të vendit.
Në video, Khamenei shihet gjatë takimit, ndërsa po flet me të pranishmit.
Videoja u publikua të hënën, më 24 gusht, dhe shfaqja e saj tërhoqi vëmendjen sepse Khamenei nuk ishte shfaqur në publik që nga emërimi i tij si udhëheqës suprem në mars.
Mojtaba Khamenei mori detyrën pas vdekjes së babait të tij, ish-liderit suprem të Iranit, i cili u vra më 28 shkurt, ditën e parë të sulmeve ajrore amerikane dhe izraelite mbi Iranin.
Sipas burimeve të larta iraniane, Mojtaba Khamenei u plagos në atë sulm, përfshirë lëndime të rënda në fytyrë.
Që nga tërheqja e tij nga publiku, media shtetërore iraniane ka publikuar disa deklarata me shkrim që i atribuohen Mojtaba Khameneit.
Midis tyre ishte një mesazh në të cilin ai premtonte hakmarrje për vdekjen e babait dhe paraardhësit të tij, si dhe njoftime për emërimin e disa zyrtarëve të lartë në Gardën Revolucionare dhe forcat e armatosura të Iranit.
Autoritetet iraniane nuk kanë publikuar informacione të hollësishme rreth shëndetit të tij dhe as nuk kanë shpjeguar pse ai nuk është shfaqur në publik që kur ka marrë detyrën.
Publikimi i pamjeve arkivore vjen në një kohë kur vëmendja ndërkombëtare është rritur ndaj gjendjes së udhëheqjes iraniane.
