Manchester City ka bërë gjithçka si duhet në ndeshjen kundër Aston Villes duke fituar me rezultatin 3-0. Një sfidë e zgjidhur thjeshtë nga djemtë e Guardiolës që pas një pjese të parë të mbyllur me rezultatin 0-0, shpërthyen në pjesën e dytë.
Goli i parë i takimit u realizua nga Sterling në minutën e 46′. Sulmuesi mori një pasim nga Gabriel Jesus dhe dërgoi topin në rrjetë për 1-0. “Qytetarët” nuk ulën ritmin pas shënimit dhe dolën shpejt dhe te golat e tjerë.
De Bryne shënoi të dytin nga një distancë e largët, ndërsa pas tij ishte radha e Gundogan për të përshëndetur rrjetën. E vetmja notë e keqe e sfidës ishte dalja me të kuq e Fernandinhos në minutën e 89′. Fitorja e sotme e çon City-n sërish në vend të dytë duke parakaluar Leicesterin dhe duke shtuar presionin te Liverpooli që është vetëm 3 pikë larg. Aston Villa ndodhet në vendin e 13 dhe vazhdon luftën për të siguruar pikët e qëndrimit në ligë.
g.kosovari
