Përmes kanalit të saj televiziv shtetëror(KRT), Korea e Veriut ka njoftuar se ka kryer me sukses një test të bombës së tyre me hidrogjen. Spikerja e lajmeve thotë se “testi i parë i bombës me hidrogjen është bërë me sukses rreth orës 10 të paradites këtë 6 janar të vitit 2016. Ajo shton se Korea e Veriut nuk do të heqë dorë nga programi i saj për bombat nukleare, përveçse me një kusht.
“Ne nuk do të heqim dorë nga programet tona nukleare derisa SHBA të tërhiqet nga pozicioni i tyre agresiv.”- shprehet spikerja e TV shtetëror, që është duke lexuar njoftimin.
Por nga ana tjetër, një drejtues i lartë në Forumin e mbrojtjes dhe sigurisë në Korenë e Jugut shprehet se tërmeti që u regjistrua nga shpërthimi i bombës, i shkallës 5.1 ballë, lë të kuptohet se nuk bëhej fjalë për një bombë me hidrogjen.
“Ata mund të kenë testuar një bombë të mesme për nga fuqia mes një bombe atomike dhe një bombe me hidrogjen, e nëse ata nuk dalin me ndonjë evidencë të qartë, është e vështirë të besohet tek pretendimet e tyre” shprehet zyrtari.
VIDEO tregon momentin kur njoftohet në mënyrë triumfale në TV shtetëror arritja e suksesshme e tëstimit të bombës me hidrogjen.
