Në zyrën e Kancelares Gjermane Angela Merkel është gjendur një pako e dyshimtë, e cila ka bërë që forcat e policisë të evakuojnë menjëherë ndërtesën, ku pritej të zhvillohej një mbledhje qeverie mes Merkel dhe ministrave të saj. Agjensia e lajmeve Reuters citon një zëdhënës të policisë i cili shprehet se “jemi duke hetuar një paketë të dyshimtë”.
Një dëshmitar okular gjithashtu informoi agjencinë se kishte parën katër arka të verdha plastike që dukeshin në zonën e izoluar me shirita të verdhë. Ndërkohë Agjencia e lajmeve AFP ka specifikuar se zona ku thuhet se është gjetur pakoja është rreth hyrjes kryesore të ndërtesës ed cila përdoret për automjetet.
