Presidenti i vendit, Ilir Meta, ka zgjedhur një mënyrë ndryshe për të kaluar ditën e sotme, e cila shënon Lumturimin e Nënë Terezës. Duke larguar vëmendjen nga “lufta” politike, Presidenti Meta është shfaqur i veshur sportiv, duke ngjitur një mal.
Meta ka zgjedhur të relaksohet në një ditë mjaft të tensionuar, ku Policia dhe Prokuroria po zhvillojnë takime të shumta, pas ngjarjeve të fundit kriminale. Kryepolici Haki Çako shkriu Policinë e Elbasanit pas ngjarjes së një muaji më parë, ku bandat goditën makinën e një zyrtari policie.
Nga ana tjetër, kryeprokurori Llalla mblodhi prokurorët e Qarkut Vlorë në një takim urgjent pas 4.5 tonë drogë të kapur mbrëmjen e kaluar në fshatin Babicë dhe që iu përkiste miqve të Habilajve.
“Miq, nuk ka më bukur se ta nisësh ditë me ecje”, shkruan Meta, shoqëruar me një video, ku shfaqet duke ecur në mal. /ma.me
