Zv/drejtori i Përgjithshëm i Policisë së Shtetit Rebani Jaupi ka konfirmuar se përfundimisht droga e sekuestruar në fshatin Babicë të Vlorës është 3.9 ton pas peshimit.
Në një deklaratë për mediat, Jaupi u shpreh se gjatë operacionit të zhvilluar me Prokurorinë e Krimeve të Rënda u sekuestrua edhe një gomone në pronësi të Ferdinand Habilaj, me të drejtë përdorimi nga Moisi Habilaj.
Gjithashtu, zv/drejtori i Përgjithshëm sqaroi se hetimi për grupin kriminal të Habiljave është bërë nga Policia e Vlorës më 30 Prill 2017, dhe materialet ja kishte referuar Prokurorisë.
Është arrestuar Armand Korreci dhe janë shoqëruar 2 të tjerë.
“Pas informacionevë për grupin kriminal Habilajt, u organizua ndërhyrja në Babicë me 50 forca speciale Delta dhe forca të policisë lokale. Gjithsej janë sekuestruar 3978 kg kanabis. Eshtë sekuestruar lënda narkotike dhe një skaf në pronësi të Habilajve. Janë shoqëruar edhe dy shtetas të tjerë. Hetimë me organin e akuzës dhe partnerët në nivel të një operacioni ndërkombëtar. Do të godisim çdo aktivitet kriminal Ftojmë qytetarët të telefonojnë policinë për çdo informacion”
a.ç
