Kreu i Partisë Demokratike, Sali Berisha në foltoren e Kuvendit ka pyetur zv.kryeministren Belinda Balluku se çfarë lidhje ka largimi i ish-kreut të Policisë së Shtetit, Gledis Nanos me qeverinë.
Ndërkohë një tjetër pyetje që ngriti Berisha ishte edhe për misterin e pallatit të sekuestruar të Lul Morinës.
“Unë jam këtu për të shtruar tre pyetje: A mundet një njeri ta mbajë me mashtrime parlamentin 20 minuta, duke shkelur çdo rregullore siç bën zonja?
E dyta, me çfarë lidhet me ju, largimi i Nanos, drejtorit të Përgjithshëm të Policisë së Shtetit? Pastaj, fol këtu për misterin e pallatit të Lul Morinës. Na fol pak për mullar-pallatin. Pallati 8-katësh dhe ti flet për mister. Jep sqarime”, tha Berisha.
Gazment Bardhi edhe pse njihet si kundërshtar me Sali Berisha brenda PD-së, gjatë seancës parlamentari i ka dalë në mbrojtje këtij të fundit në momentin që kryetarja e Kuvendit i tërhoqi vëmendje për daljen ga procedura.
/f.s
