Policia Rrugore e Fierit ka ndëshkuar me masë administrative 2348 drejtues mjetesh, për shkelje të rregullave të qarkullimit rrugor.
117 leje drejtimi janë pezulluar për shpejtësi tej normave të lejuara dhe 3 të tjera për drejtim automjeti, nën efektin e alkoolit apo në gjendje të dehur, ndërsa 968 drejtues mjetesh janë proceduar administrativisht për tejkalim të normave të shpejtësisë.
Njoftimi i policisë:
Kontrolle nga Policia Rrugore të përqëndruar kryesisht në drejtim të shkeljeve që janë burim aksidenti.
Gjatë javës që lamë pas, Policia Rrugore Fier ka intensifikuar kontrollet, me qëllim evidentimin dhe ndëshkimin e shkelësve të Kodit Rrugor.
Janë konstatuar duke drejtuar mjetet pa leje drejtimi dhe në gjendje të dehur, 4 shtetas, të cilët janë arrestuar në flagrancë.
Janë proceduar administrativisht gjithsej 2348 drejtues mjetesh.
968 drejtues mjetesh janë proceduar administrativisht për tejkalim të normave të shpejtësisë.
Janë proceduar administrativisht 159 drejtues mjetesh, për përdorim të aparatit celular gjatë drejtimit të mjetit.
208 drejtues mjetesh janë proceduar administrativisht për mosvendosjen e rripit të sigurimit.
Janë vendosur 441 masa administrative për parakalime të gabuara.
Janë pezulluar 117 leje drejtimi për shpejtësi tej normave të lejuara dhe 3 të tjera për drejtim automjeti, nën efektin e alkoolit apo në gjendje të dehur.
Janë vendosur 34 masa administrative për drejtim të motomjetit pa kaskë mbrojtëse.
Gjithashtu janë vendosur 488 masa të tjera administrative për shkelje të rregullave të ndryshme qarkullimit rrugor.
Policia Rrugore e Fierit do të vijojë kontrollet në të gjitha akset rrugore urbane, interurbane dhe rurale, për të gjitha kategoritë e mjeteve, me qëllim parandalimin e aksidenteve rrugore.
Drejtoria Vendore e Policisë Fier falënderon drejtuesit e mjeteve dhe këmbësorët që respektojnë rregullat e qarkullimit rrugor dhe apelon për më shumë rregull e siguri në rrugë, në favor të jetës dhe të shëndetit të qytetarëve.
g.kosovari
