Fituesi i BBV-së këngëtari Luiz Ejlli ka publikuar një foto me kandidatin e Partisë Socialiste për Shkodrën, Benet Becin.
Kur na ndajnë edhe 3 ditë nga zgjedhjet vendore, duket se Luiz Ejlli ka zgjedhur të dal në këtë fushatë elektorale krah Benet Becit.
Në InstaStory-n e radhës ne Instagram, Luizi ka publikuar një video ku shfaqet në makinë teksa thotë: “Për pak shihemi në Shkodër, e dini vetë ju”.
Luizi ka folur para qytetareve shkodrane krah Benet Becit, duke nenvizuar se “duhet votuar. E meriton, dhe e ka te fituar…”.
Këngëtari shkodran edhe më parë e ka falënderuar publikisht Becin, pasi sipas tij ai e ka ndihmuar pa e njohur fare, ne një moment të vështirë të jetës së tij, duke e punësuar në kohën kur Beci drejtonte KESH.
“Kur nuk të ndihmojnë ata që mendon se i ke pasur afër, si mund të pretendosh të të ndihmojë dikush vetëm pse është shkodran. Personi në fjalë quhet Benet Beci, një familje shkodrane që unë e njoh shumë mirë, dhe e kam marrë në telefon. Ma ka hapur telefonin direkt. I thashë çfarë ke mundësi ndonjë vend pune, unë do ta bëj. Më ka ndihmuar, më ka futur në punë direkt dhe i jam mirënjohës gjithë jetën” – tha Luizi./m.j
