Përtej bindjeve dhe betejës politike, një vit para zgjedhjeve të ardhshme lokale duket se modeli i kryebashkiakut Erion Veliaj ka bindur edhe vetë të djathtët se është i duhuri. I ftuar në Vizion Plus për të diskutuar për biznesin dhe nivelin e taksave në Shqipëri, Kryetari i grupit parlamentar të Partisë Demokratike Edmond Spaho ka vlerësuar dje kryebashkiakun Veliaj për miradministrimin e të ardhurave të qytetit dhe ka kërkuar që ky model të ndiqet edhe nga bashkitë e tjera në Shqipëri.
“Banesat para ‘93 tatohen më pak, pas ‘93 tatohen diçka më shumë. Kjo është e ndarë sipas zonave. Pra sistemi është vleror, vetëm masa e vlerës, Kjo taksë nuk mblidhet më shumë se 30 për qind. Pra , ajo që duhet të bëjmë ne është të mos rrisim taksën, por të përmirësojmë administrimin. Shumë mirë u bë në Tiranë që u fut me faturën e ujit, dhe po mblidhet. Të shtrihet kjo dhe në bashkitë e tjera. Dhe të mblidhet ky nivel që është sot, që i përgjigjet nivelit ekonomik të familjeve shqiptare”, u shpreh Edmond Spaho, kryetar i grupit parlamentar të PD.
