Qindra mijëra njerëz u mblodhën në një kishë në Fort Wayne në Idiana të Shteteve të Bashkuara të Amerikës për të qenë dëshmitarë të një dasme aspak të zakonshme. Nusja, Jessica Hays, po martohej jo me një njeri, por me vet Jezus Krishtin, njofton CBS, përcjellë Klan Kosova. Ajo u bë “virgjëreshë e përkushtuar”, e para në Dioqezën e saj në 25 vjetët e fundit.
Martesa të tilla, kur gruaja vendos që të bëjë martesë me zotin e saj, duke treguar kështu përkushtimin e madh dhe devotshmërinë, janë shumë raste të rralla. Të tilla janë 200 në Shtetet e Bashkuara të Amerikës dhe rreth 3000 në gjithë botën. Virgjëresha e përkushtuar nuk është e njëjtë me murgeshën. Hayes përsëri do ta vazhdojë jetën e saj normalisht dhe jo siç bëjnë murgeshat që bëhen banore të përhershme të kishës, deri në vdekjen e tyre.
38 vjeçarja është mësuese e teologjisë në një gjimnaz ndërsa duke komentuar martesën e saj, ajo tha se ky vendim vjen pas shumë vitesh lutjesh dhe kërkim të paqes shpirtërore.
“Jam lutur intensivisht tash e katër vjet, duke provuar të kuptoj vullnetin e zotit për jetën time, por nuk e gjeja ata në asnjë nga lutjet e mia, por ky vendim është një hap që më ka sjellë vërtetë lumturi dhe kurrë nuk jam ndjerë si tani”, ka thënë Hayes.
Përkundër se nuk ishte dasmë e zakonshme, Hayes pati disa nga problemet që i kanë të gjitha nuset tjera – siç është gjetja e vellos perfekte për dasmën.
“Kam parë kaq shumë fustane nusërie gjatë viteve saqë kam ndryshuar mendjen qindra herë”, tha ajo për CBS.
“Më duhej të shqyrtoja në detaje përshtatshmërinë e fustanit tim të nusërisë, doja një vello që më mbulonte krahët dhe më duhej që të shtrihesha për tokë para altarit, kështu që duhej të sigurohesha se trupi im do të ishte i mbuluar. Gjithsesi përkundër mbulueshmërisë doja të lija mjaftueshëm pamje për të treguar bukurinë”.
ma.me
