“Luajmë dhe rindërtojmë së bashku”. Kjo është motoja e ndeshjes miqësore që yjet e Shqipërisë, Italisë, Greqisë dhe Turqisë do të luajnë mes tyre sot me nisje në orën 18:00 në stadiumin “Air Albania”.
Para startit të kësaj ndeshjeje, yjet e grumbulluar për këtë sfidë miqësore, kanë shkuar të vizitojnë zonat e prekura nga tërmeti. Në një autobus kanë udhëtuar ish-lojtarët e Kombëtares, të cilët kanë kujtuar kohët e vjetra, teksa nuk kanë munguar as batutat.
Altin Rrakli dhe Klodian Duro ishin ata që kanë shkëmbyer batuta mes tyre për numrin 10. Kujtojmë që lojtarët kishin “rivalitet” për këtë numë në fanellë.
“A e zgjodhe numrin e fanellës”, e pyeti Rraklli gjithmonë në kuadrin e humorit. “Po, atë që kam mbajtur gjithmonë, Me ty u rrita unë o burrë”, vijoj Duro, teksa të gjithë ish-lojtarët kanë shpërthyer në të qeshura.
“Kavaja dhe Elbasani kanë shkuar gjithmonë, mos kujtoni ju se nuk shkojnë”, përfundon Raklli mes batutash dhe një klime shumë të mirë midis ish-futbollistëve të Kombëtares.
g.kosovari
