Kryeministri Edi Rama, në intervistën që ka dhënë për Rudina Xhungën, është përgjigjur edhe mbi fabulën që ka hedhur Berisha dhe qarqet pranë tij, mbi të ashtuquajturën “qeveria e Ballukut”.
I pyetur nga gazetarja, ai tha:
“Ministri aktual i Energjisë dhe Infrastrukturës, është një djalë që i ka të gjitha ato që duhen për ta bërë atë detyrë. Atë nuk e ka sjellë Belinda Balluku në atë ministri, por e ka gjetur.
Çfarë po flasim këtu, është faji i tij që ai u promovua? Edhe në OSHE ka bërë një punë shembullore, ndërkohë që edhe në këtë detyrë po punon shumë mirë dhe unë jam i kënaqur nga puna e tij, çfarë ka problem këtu?
I kam dëgjuar këto teori, po çfarë problemi ka këtu, ku do i gjejmë njerëzit ne?”.
Xhunga këmbënguli në pyetjen e saj duke ju referuar tezës së Berishës për qeverinë që e kontrollon Balluku.
Rama u përgjigj:
“Unë kontrolloj qeverinë e ajo më kontrollon mua? Aman ç’i keni këto, këto janë barsoleta”.
