Pasi i “vari këpucët në gozhdë”, pra u tërhoq nga futbolli i luajtur në vitin 2013, ikona angleze e këtij sporti, David Beckham, ka vazhduar të ketë një jetë të suksesshme jashtë fushës së blertë. Ai është gati të debutojë në MLS me ekipin e tij, Inter Miami, duke garuar në ligën e Amerikës së Veriut.
Për të jetuar pranë ambienteve të klubit të tij, Beckham dhe gruaja e tij, Victoria, kanë blerë një apartament luksoz, që shtrihet në të gjithë katin e ndërtesës së lartë “One Thousand Museum”, në Miami, e vendosur në një nga zonat më ekskluzive të qytetit, me vlerë 40 milionë euro.
Shtëpia e tyre do të jetë gati në fillim të vitit 2020, kur punimet të përfundojnë dhe mbi të gjitha, kur Inter Miami pritet të fillojë garimin në MLS. Hyrja e çiftit të njohur anglez do të ketë gjëra ekstra, në mënyrë që të shijojnë pamjet spektakolare përreth. “One Thousand Museum”, gjithashtu, ka një helipad (aeroport të vogël) privat, disa pishina, palestër, banjo dhe një sallë konferencash të ndryshme.
g.kosovari
