Vettingu duket se po jep rezultatet ende pa u kryer verifikimet për gjyqtarët dhe prokurorët. Sot ishte afati i fundit për dorëzimin e formularëve të vetëdeklarimit në ILDKPKI dhe disa prej njerëzve të drjetësisë kanë preferuar të mos e kalojnë procesin e Vettingut që vlerësohet mjaft i vështirë për ata që kanë pasuri të pajustifikuar.
I fundit që i shtohet të dorëhequrve është gjyqtari i Apelit të Vlorës Ilir Çeliku. Ai nuk pranoi të dorëzojë formularin e vetëdeklarimit por vendosi të dorëhiqet nga detyra.
Më herët ra në sy edhe dorëheqja e gjyqtares së Gjykatës së Lartë Mirela Fana, e cila u zgjodh edhe anëtare e KED.
Po ashtu, mes të larguarve janë edhe Ilir Pashai dhe Sulejman Tola./a.m.
