Gazetarja Brikena Metaj raporton se Prokuroria e Gjirokastrës, deri në këtë fazë të hetimeve ka marrë në pyetje rreth 30 persona, përfshirë prindërit, të afërmit, mësuesit dhe shokët e shkollës dhe nuk ka prova konkrete se bullizimi ka qenë shkak për këtë tragjedi. Prokuroria pret hapjen e telefonit të viktimës, pasi përmes komunikimeve të saj mund të hidhet dritë mbi të vërtetën.
Sa i takon letrës që u gjet në sendet e vajzës, Prokuroria hedh poshtë aludimet se mund të ishte një letër lamtumire, që e mitura e kishte lënë përpara finalizimit të aktit ekstrem. Sipas tyre, letra ishte një detyrë shkollore në lëndën e gjuhës angleze, që vajza e ka realizuar gjatë kohës kur ishte nxënëse në sistemin 9-vjeçar.
Hetimet janë përqëndruar edhe në ngjarjet e ndodhura në klasën e vjazës ditën kur kreu vetëvrasjen. Burime për BalkanWeb bëjnë me dije se gjatë një oreve të mësimit e mitura mbante mbi bankë telefonin e saj, ndërsa mësuesja i ka kërkuar ta hiqte atë. Vajza kishte shprehur kundërshtime ndaj mësueses, një ndryshim nga sjellja e saj e mëparshme, ku përshkruhet si person i qetë.
Gjithashtu, dy psikologë janë përfshirë në hetime për të analizuar ndikimet emocionale të të prekurave nga kjo tragjedi, ndërsa hetimet vijojnë.
