Vetëm 45 ditë pas inaugurimit të sta diumit “Loro Boriçi” ka filluar ndërhyrja në tapetin e tij.
Federata Shqiptare e Futbollit është detyruar të bëjë një ndërhyrje të tillë, në mënyrë që ta kthejë në parametrat optimalë dhe ta bëjë gati për ndeshjen e radhës të Kombëtares shqiptare, atë që do të luhet më 12 nëntor ndaj Izraelit.
Ajo që mbetet është skandali i ndodhur me tapetin e stadiumit. Punonjës të klubit Vllaznia e kanë ngritur zërin që në momentin kur ka nisur shtrimi i tapetit, sepse është bërë në muajin janar, çka nuk është periudhë aspak e përshtatshme për një gjë të tillë.
Por u bë ashtu, sepse kryeministri në atë kohë deklaroi se inaugurimi i stadiumit do bëhej në shkurt dhe për këtë arsye firma ishte e detyruar të vepronte në atë mënyrë.
Përpos kësaj, edhe mënyra e shtrimit nuk ka qenë e duhura. Prandaj kemi mbërritur në këtë gjendje ku ai është sot. Ky është absurditeti i radhës në Shqipëri, por me siguri jo i fundit, citohet Zëri. (b.an)
