Një 69-vjeçar ne Elbasan ka tentuar t’i japë fund jetës këtë të martë duke u vetëdjegur me benzinë.
Ngjarja ndodhi në lagjen “Emin Matraxhiu”, ku 69-vjeçari me inicialet Xh.T i ka vënë flakën vetes në oborrin e shtëpisë.
Fqinjët kane thene se shkak për aktin ekstrem është bërë një vendim gjykate për prishjen e shtëpisë.
Mësohet, 69-vjeçari ishte në proces gjyqësor për çështje pronësie, por duket se vendimi i gjykatës nuk ka qenë në favorin e tij.
Ai jetonte vetëm me bashkëshorten, e cila ka thirrur fqinjët për ndihmë në momentin që ka parë burrin të përfshirë nga flakët.
Në vendngjarje mbërriti menjëherë autoambulanca, e cila bëri transportimin e tij drejt spitalit të Tiranës, nga ku mësohet se ndodhet në gjendje të rëndë. /b.d
