• Kontakt
  • Kreu
  • Rreth Nesh
Wednesday, November 11, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

Berisha është damkosur jo se ka jetuar gjatë, por se ka vjedhur dhe vrarë për një kohë të gjatë

by Mero Baze
19/03/2022 20:44
Shperndaj ne FacebookShperndaj ne Twitter

Nga Mero Baze

Sali Berisha po përpiqet ta paraqesë damkosjen e tij nga SHBA dhe Bashkimi Europian si një persekutim për shkak të moshës. Sipas tij, miq të tij nga Bashkimi Europian i kanë rekomanduar se është i padëshiruar të rikthehet në krye të PD, për shkak se është i vjetër.

Në të vërtetë nuk kemi dëgjuar askënd të akuzojë Berishën apo këdo politikan tjetër, se është i vjetër. Shqipëria ka pasur presidentin më të vjetër në detyrë në historinë e saj, Alfred Moisiun, dhe është një nga presidentët më të mirë të saj. Askush nuk ka pas problem me moshën e tij. As me moshën e Sali Berishës. Këtë problem mund ta ketë vetëm PD, që nuk shikon ndonjë shans fitoreje me të, pas vitit 2025, kur, nëse është gjallë, ai do të jetë 81 vjeç.

Sali Berisha është damkosur si minues i demokracisë, shantazhues i sistemit të drejtësisë dhe familjarisht i akuzuar për korrupsion domethënës. Ky është një problem si për SHBA, dhe për Bashkimin Europian, dhe këtë problem e kanë zgjidhur, duke u distancuar nga Sali Berisha. Këto tri epitafe janë të gdhendura mbi varrin e tij politik. Mbi varrin fizik nuk ka rëndësi se çfarë shkruhet, se është çështje familjare.

I vetmi problem që ka mosha e madhe e Sali Berishës, ka të bëjë me faktin se ai ka 30 vjet që përpiqet të sundojë në politiken shqiptare, për t’i shpëtuar drejtësisë. Ai është politikani që ka bërë çdo gjë të keqe të mundshme, që mund të bëjë një politikan.

Është politikani që ka minuar për herë të parë zgjedhjet në Shqipëri dhe kemi 30 vjet që ende nuk arrijmë dot tek standardi normal i zgjedhjeve, për shkak të këtij standardi që ai vendosi prej majit të vitit 1996.

Është politikani që kur gjysma e kombit ishte në luftë me Serbinë, i hapi rubinetet e naftës diktatorit serb, për të mbajtur gjallë ushtrinë e tij. E ka këtë të dokumentuar në çdo raport të OKB dhe shtypit perëndimor. Sot Ukraina po i kërkon vendeve perëndimore të mbyllin dhe llogaritë financiare të oligarkëve rus dhe të mos blejnë mallra ruse, kurse Shqipëria, që kishte Kosovën në luftë, furnizonte për shkak të Sali Berishës, Serbinë me naftë. Bëni këtë krahasim për të kuptuar peshën e krimit të Sali Berishës si “patriot”.

Sali Berishës i ka ndodhur luftë civile dhe futja e vendit në kaos dhe lufta vëllavrasëse, për shkak të pushtetit të tij të korruptuar. Ai zhduku kursimet e qindra mijëra shqiptarëve, në mungesë të një ekonomie të lirë dhe për shkak të ngritjes së një ekonomie bazuar tek kontrabanda e naftës dhe skemat piramidale.

Sali Berishës i kanë ndodhur krime masive për shkak të korrupsionit të djalit të tij, duke vrarë 26 vetë dhe plagosur rreth 300 të tjerë. Ky është rasti i vetëm në historinë e Shqipërisë që vriten njerëz për shkak të zullumit dhe etjes për të vjedhur nga një familjar i kryeministrit.

Kemi pas vrasje për gjakmarrje, vrasje politike, apo vrasje ordinere, por vrasje për shkak të lakmisë si hajdut i ka ndodhur vetëm familjes së Sali Berishës. Madje dhe baxhanakun e vet e ka vrarë për këtë shkak, ndryshe nga Enver Hoxha, që vrau kunatin për hirë të pushtetit.

Sali Berishës i ka ndodhur të vrasë protestues dhe të plagosë gazetarë, nga frika se protestat popullore do ta rrezonin nga pushteti.

Sali Berishës i ka ndodhur që ka privatizuar pasuritë kombëtare përmes procesesh dhe klientësh, që ishin miq të djalit, vajzës apo gruas së tij, siç është OSSHE, ARMO, apo koncesionet e ngjyrosjes së naftës dhe skanimit në Dogana.

Sali Berishës i ka ndodhur që nën pushtetin e tij, gjykatat janë tërhequr nga gjykimi i krimeve të pushtetit të tij, për shkak të shantazhit të tij të drejtpërdrejtë, duke akuzuar kryeprokuroren si lavire dhe duke shantazhuar Gjykatën e Lartë me darka një natë para me të akuzuarin.

Për gjithë këto arsye, Sali Berisha është bërë një politikan i urryer nga SHBA dhe Bashkimi Europian. Natyrisht që nuk e duan. Natyrisht që do ta pengojnë me sa munden t’i afrohet ndonjëherë pushtetit. Natyrisht që mund ta shtyjnë drejtësinë e re ta bëjë të akuzuar të saj.

Por të gjitha këto jo se Sali Berisha ka jetuar gjatë. Por se ka vjedhur, ka shkatërruar dhe ka vrarë për një kohë të gjatë. Plot 30 vjet.

Next Post
Basha, kryetari në ‘letër’ i PD që gjykata nuk e bën dot lider

Basha, kryetari në ‘letër’ i PD që gjykata nuk e bën dot lider

Leave a Reply Cancel reply

Your email address will not be published. Required fields are marked *

TË FUNDIT

Stuhia “Charles” do përfshijë edhe Shqipërinë! Erë e fortë dhe rrebeshe shiu të enjten e të premten. Më i prekur Veriu

Stuhia “Charles” do përfshijë edhe Shqipërinë! Erë e fortë dhe rrebeshe shiu të enjten e të premten. Më i prekur Veriu

November 11, 2026
Takim me Ilirjan Celibashin, BE kërkon reformë zgjedhore të shpejtë, 5 prioritetet

Takim me Ilirjan Celibashin, BE kërkon reformë zgjedhore të shpejtë, 5 prioritetet

November 11, 2026
“Të shqetësuar, nesër mund të dhunojnë mësuesin e pedagogun”- Tryeza Kombëtare, Rama për përfshirjen e të miturve në protesta: Relativizuan dhunën dhe e justifikuan!

Rregulla të reja për mjekët dhe infermierët e rinj, Rama njofton lehtësimin e procedurave për Provimin e Shtetit

November 11, 2026
Ora luksoze, makina të shtrenjta dhe apartamente milionëshe, jeta e Hajdar Çopjas në Dubai

Ora luksoze, makina të shtrenjta dhe apartamente milionëshe, jeta e Hajdar Çopjas në Dubai

November 11, 2026
Kërcënim për bombë edhe në mbi 300 shkolla në Irlandën e Veriut, policia konfirmon alarmin e rremë

Kërcënim për bombë edhe në mbi 300 shkolla në Irlandën e Veriut, policia konfirmon alarmin e rremë

November 11, 2026
Pikëpyetjet mbi “Rinia Nacionaliste” dhe lidhjet me “Forumi Rinor Islamik”

Pikëpyetjet mbi “Rinia Nacionaliste” dhe lidhjet me “Forumi Rinor Islamik”

November 11, 2026
Ishte kthyer në makth për Majorkën, arrestohet “skifteri” shkodran; plan të vidhte dhjetëra shtëpi për Krishtlindje

Fusha e betejës së grupeve kriminale shqiptare! Pazaret e drogës e ekzekutimet, shqiptarët që u vranë në Spanjë

November 11, 2026
VIDEO/ Sot protesta e 165-të, studentët bllokojnë Tiranën dhe marshojnë drejt Ministrisë së Arsimit

VIDEO/ Sot protesta e 165-të, studentët bllokojnë Tiranën dhe marshojnë drejt Ministrisë së Arsimit

November 11, 2026
“Nuk kam lidhje me ngjarjen”, Robert Duka mohon grabitjen e 60 mijë eurove në bankën te Komuna e Parisit

“Nuk kam lidhje me ngjarjen”, Robert Duka mohon grabitjen e 60 mijë eurove në bankën te Komuna e Parisit

November 11, 2026
TVSH 10% për fermerët me NIPT, kush përfiton dhe si do të funksionojë skema e re

18 miliardë lekë për Bujqësinë në 2027, Salla: Rritet me 10% buxheti për fermerët dhe prodhimin vendas

November 11, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In