Një bastvënës anonim i kriptomonedhave fitoi rreth 436 mijë dollarë duke parashikuar arrestimin e presidentit venezuelan Nicolás Maduro, pak para se lajmi të bëhej zyrtar.
Bastet u vendosën në platformën Polymarket, ku kuotat që Maduro nuk do të ishte më në pushtet deri në fund të janarit ishin në platformë, disa orë para paralajmërimeve të presidentit amerikan Donald Trump. Një llogari e vetme, e hapur muajin e kaluar dhe aktive vetëm në tregje që lidhen me Venezuelën, fitoi mbi 436 mijë dollarë, nga një bast prej 32 537 dollarësh.
Këto shanse u rritën në 11% pak para mesnatës dhe më pas u rritën ndjeshëm në orët e para të 3 janarit. Rritja e papritur ndodhi pak para se Trump të njoftonte në Truth Social se Maduro ishte marrë në paraburgim nga SHBA-të. Polymarket nuk iu përgjigj menjëherë kërkesave për koment mbi këtë rast.
Dennis Kelleher nga organizata Better Markets deklaroi se personi që ka vendosur bastin, ka pasur me siguri informacion të plotë të brendshëm, për atë që ndodhte. Edhe disa përdorues të tjerë të Polymarket fituan dhjetëra mijëra dollarë nga bastet mbi arrestimin e Maduros. Deputeti demokrat Ritchie Torres paraqiti një projektligj për të ndaluar punonjësit e qeverisë të vendosin baste në tregje parashikimi, kur posedojnë informacion jo publik.
Tregjet e parashikimeve janë në rritje në SHBA, ndërsa rregullat për mos-shitje të informacionit të brendshëm, nuk janë dhe aq të forta.
