Kryetari i Partisë Dmeokratike Lulzim Basha ka reguar pas shtyrjes për nesër të mbledhjes së Këhsillit të Mandateve i cili pritet të vendosë lidhur me kërkesën e Prokurorisë e cila kërkon autorizim për arrestimin e ish-ministrit Saimir Tahiri. Kreu i PD deklaroi se Tahirit iu blenë 24 orë kohë për të shkatërruar provat dhe prerë fijet që sipas tij implikojnë edhe kryeministrin Rama dhe ministra të tjerë.
“Shqiptarët kjanë parë se si Rama urdhëroi mbrojtjen e Saimir Tahirit, njeriu që u kap nga përgjimet e antimafias italiane si mbrojtës i bandës së Habilajve. Ai merrte shuma të mëdha parash në këmbim të mbrojtjes për bandën, dhe vënies në dispozicion të policisë të bandës së Habiulajve, të porteve, aeroporteve.
Këto prova janë paraqitur nga prokuroria, Këshillit të Mandateve, me qëllim heqjen e një privilegji, imuniteti parlamentar që nuk jepet për trafik por për mbrojtjen e lirisë së mendimit të deputetëve.
Rama është bashkëpunëtor me Saimir Tahirin që tregon kupolën mafioze që sundon sot shtetin. Provat, administrohen nga gjykata, ndaj Edi Rama rrëmon me të kotë dhe gënjen shqiptarët kur thotë ka apo s’ka prova, provat tregohen në gjykatë. Parlamenti nuk ka rrugë tjetër përveç se t’i heqë imunitetin Tahirit, është drejtësia ajo që do japë verdiktin. Saimir Tahirit sot ju blenë edhe 24 orë, kur do shkatërrohen shumë prova, do priten fijet mes Tahirit e Ramës dhe të tjerëve të kabinetit që dalin në përgjime”, deklaroi Basha./a.m.
