Kartëmonedha 500 euro e hedhur në qarkullim 14 vite më parë është një kartëmonedhë e cila më së shumti është përdorur nga grupe kriminale dhë në aktivitete të jashtëligjshme.
Në këtë rezultat ka arritur Njësia Qëndrore e Policisë Europiane Europol e cila pak ditë më parë ka përshëndetur vendimin e Bankës Qëndrore Europiane për të mos prodhuar më prerjen 500 euroshe.
Kjo kartëmonedhë është një prej 7 prerjeve të hedhura në qarkullim prej vitit 2012 dhe është kartëmonedha me vlerën më të lartë.
Por sipas Europol dhe pse prej 14 vitesh në qarkullim 30 % e kartëmonedhave të hedhura në treg nuk janë parë apo prekur asnjëherë prej shumicës së popullsisë në Europë por dhe në botë.
“Europol përshëndet vendimin e Bankës Qëndrore Europiane për të mos hedhur më në qarkullim prerjen 500 euro, para e lidhur ngusht me aktivitetet kriminale. Kjo prerje rezulton që për shumicën e popullsisë të mos jetë parë apo prekur ndonjëherë. Kjo ngre pyetjen se për çfarë kjo prerje paraje është përdorur dhe a është e lidhur me aktivitetin kriminal”, shprehet Europol në deklaratën e 5 majit 2016.
Kartëmonedhat që janë në qarkullim në prerje euro janë 5, 10, 20, 50, 100, 200 dhe 500 euro ndërsa kjo e fundit përdoret rregullisht në 25 vende, 23 prej tyre anëtare të Bashkimit Europian, shkruan Report tv. Dhe pse Shqipëria nuk prodhon para në Euro nuk kanë munguar rastet kur policia apo agjensitë e zbatimit të ligjit kanë sekuestruar në aktivitete kriminale prerje 500 euro në sasi të mëdha çka përligj dhe raportin e Europol se kartëmonedha me vlerë të madhe është e lidhur me aktivitetet e paligjshme. Javanews/ a.k
