Shefat e shtabit të përgjithshëm të vendeve të Afrikës Perëndimore do të takohen nesër në Ganë për të përgatitur planet për një ndërhyrje të mundshme ushtarake në Niger, pasi vendet anëtare të bllokut rajonal ECOWAS urdhëruan vendosjen e forcave ushtarake në gatishmëri, raportoi sot Reuters.
Përveç kësaj, këshilli ushtarak i formuar nga rebelët në Niger urdhëroi që edhe ushtria e atij vendi të vihej në gatishmëri dhe ekziston mundësia e mobilizimit të forcave shtesë, transmeton TASS.
Vendet e ECOWAS urdhëruan aktivizimin e forcave rezervë dje, dy javë pasi gjeneralët ushtarakë rrëzuan presidentin e Nigerit, Mohamed Bazum.
Reuters raporton se forcave ECOWAS do t’u duhen disa javë për të krijuar plane dhe për të vendosur njësi, të cilat do të linin mjaft kohë për negociata.
Bregu i Fildishtë është i vetmi vend që deri më tani ka specifikuar se sa trupa do të dërgojë, pasi presidenti i vendit, Alassane Ouattara, premtoi një batalion prej 850 ushtarësh.
Një zëdhënës i ushtrisë së Beninit tha se vendi do të dërgonte trupa, por nuk tha se sa.
Ministri i Mbrojtjes i Gambisë Sering Modu Njie dhe Ministri i Informacionit i Liberisë Ledgerhood Reni nuk kanë marrë ende një vendim për dërgimin e trupave./m.j
