Pas replikave mes ish kryebashkiakut Shpëtim Gjika dhe ish deputeti Koço Kokëdhima në lidhje me situatën në PS-në e Vlorës, ka reaguar edhe deputeti Erion Braçe.
Deputeti socialist i është “bashkuar” kritikës së Gjikës kundrejt Kokëdhimës, duke shkruar në rrjetin e tij social:
“Vençe! Më në fund një zë që vjen prej Lumi-Lumit të Vlorës!”.
Debati mes Gjikës dhe Kokëdhimës kishte në fokus pretendimet e këtij të fundit për të shpëtuar sipas tij PS-në e Vlorës, e cila ishte katandisur si mos më keq në vite.
Këtë të martë ka qenë ish kryebashkiaku i Vlorës i cili ka replikuar, duke i kujtuar Kokëdhimës, se në kohën kur vajza e tij nuk këndonte në koncertet e PS pa u parapaguar, atij ju desh të linte gruan në shtrat për t’u marrë me zgjedhjet e vitit 2013./java/a.k
