Kandidati i mazhorancës për bashkinë e Tira ës Erion Veliaj ishte sot në Petrelë ku zhvilloi një dëgjesë me banorët. Në fjalën e tij Veliaj tha se i ‘vjen keq’ për doktorin Halim Kosova që po bën fushatë vetëm, pa mbështetjen e deputetëve të PD-së.
Sipas Veliaj Kosova nuk ka as mbështetjen direkte të ish-kreut të PD-së, Sali Berisha, dhe atij aktual, Lulzim Basha. Madje për Veliajn, mbështetja e vetme për Kosovën është nga Berisha vetëm në Facebook.
“Sot kërraba është një lagje e Tiranës, dhe Ndroqi, etj, dhe të gjithë nga Shëngjergji deri në Kombinat, janë njësoj si kryeqytetasit. Ne i themi se i duam të gjithë njësoj, jo ca të nënën ca të njerkës. E çojnë tek pullë pas asnjë deputet, më dhimbset, pasi Berisha e mbështet vetëm në Fb. Dhe Luli po ashtu, Shkon dhe takon romët, dhe thotë se si ka mundësi që ju kanë dhënë banesa sociale. Por bashkia nuk e ka pasur mendjen në punë edhe pse ka pasur banesa sociale. Ndaj i kanë ngelur dhe ca ditë punë kësaj bashkie, por kështu është kur se kanë mendjen tek puna.”, tha Veliaj.
Kandidati i “Aleancës për Shqipërinë Europiane” theksoi se në Këshillin Bashkiak të Tiranës do ketë më shumë anëtare femra sesa burra.
“Këtu kemi më shumë gra sesa burra, dhe kjo tregon se këtu kemi emancipim. jam krenare që në Këshillin bashkiak ka 31 gra dhe 30 burra. Kemi mundësi të kemi dorë të lirë në Këshillin bashkiak. Këtë mund ta harrim nëse do votojmë jo vetëm për kandidatin. Më thanë disa njerëz që s’duam të na kap kamera, se jemi të PDsë. Për ne s’ka problem, sepse ne mirëpresim këdo që i bashkohet koalicionin tonë.”, pohoi Veliaj
