Veliaj i jep lejen e legalizimit komshiut të Lulit, Teki Doko: “Më kapi nga faqet e më tha: akoma s’e ke marrë?”
Që leja e legalizimit qe kthyer në një makth për shumë qytetarë kur qeveriste PD-ja, kjo dihej. Por, sorrollatjet e kësaj pune i ka përshkruar më së miri sot, komshiu i kryebashkiakut Lulzim Basha në njësinë 8, Teki Doko.
Më poshtë dialogu i plotë mes tij dhe kandidatit të majtë për Bashkinë e Tiranës, Erion Veliaj:
Blendi Nallbani: Teki Resul Doko. Meqë je edhe komshiu i Bashës, i Lulit, merre vëlla.
Teki Resul Doko: Dua t’ju them dy fjalë, meqë jam komshiu i Lulzim Bashës. Nuk është punë politike kjo. Për këtë letër unë kam që në 2006, që ta keni parasysh, për ta marrë, për 30 metra oborr në përdorim. Në atë kohë, drejtorin e kam takuar e më ka thënë s’të takon dot sipas ligjit; nuk të takon sepse është oborr në përdorim, ishalla del ndonjë ligj.
Doli ligji. As për ta marrë s’kisha ndonjëherë po mos të vinte zotëria këtu. U rrotullua prapë, ja ku e takova drejtorin këtu, më mbajti mend. Falënderoj drejtorin dhe drejtoreshën që më kanë pritur. Vetëm kur i kam thënë për kaq vite. Falenderoj këto zotërinjtë këtu që në 2013 më kanë takuar në lagje, kanë ardhur tek shtëpia ime dhe i thashë që kam këtë hall. Ishalla zoti, më thanë, nuk ke për të bërë gjë po s’erdhëm ne në pushtet. Ja ku erdhi pushteti, erdhi dhe Erion Veliaj. Tani i them të gjithë lagjes, meqë e ndryshoi në 2013, ta ndryshojë dhe tani. Është e padikustueshme që Erioni do të fitojë.
Erion Veliaj: Teki, të falenderoj shumë. Por, ti e di si shkon kjo histori. Komshinjtë nuk i zgjedhim dot, por votën e zgjedhim. Komshinjtë nuk kemi në dorë t’i ndërrojmë, por mund të ndërrojmë mënyrën se si votojmë.
Teki Resul Doko: Është turp me e thënë, se jam moshë e vjetër, dy herë i kam shkuar kryetarit Lulzim Basha dhe më ka kap prej faqesh dhe më ka thënë: akoma s’e ke marrë? Turp i botës. Më ka kap dhe televizori. Turp i botës. Që e kam shumë afër dhe e di të gjithë historinë.
