Vogëlushi sirian Omran Daqneesh u cilësua si simboli i horrorit në Aleppo, pasi fotoja e tij pas bombardimit të shtëpisë, tronditi botën mbarë. 5-vjeçari tashmë është i sigurt bashkë me prindërit dhe motrën e tij, por fatin e tyre nuk e pati vëllai më i madh, Ali 10-vjeç, i cili ka humbur jetën në një spital në Aleppo.
Ali nuk arriti tu mbijetonte plagëve të marra nga bombat e hedhura mbi shtëpinë e tyre. Rebelët thonë se bombat u hodhën nga avionët rusë, ndërsa Moska ka përgënjeshtruar gjithçka, duke theksuar se sulmet e rusëve nuk kanë objektiv civilët. Ndërkohë bombardimet në Aleppo nuk ndalen. Sipas të dhënave të Observatorit Sirian, në tre javët e fundit janë vrarë 333 civilë, mes të cilëve 49 fëmijë.
Tragjedia dhe horrori që përjetojnë banorët e Sirisë gjatë bombardimeve u përblodh në fotografinë e vogëlushit sirian Omran Daqneesh. Një fëmijë i mitur, 5 vjeç, i ulur në karrige brenda një karrigeje ambulance, pas bombardimeve në shtëpinë e tij në Aleppo. Omran Daqneesh ishte i mbuluar nga pluhuri i gërmadhave të shtëpisë së tij. U shfaq me një fytyrë të ngrirë, çdo shprehi në fytyrën e tij të mitur ishte paralizuar. Edhe pse i gjakosur nga plagët e marra, ai nuk qante ndërsa kishte vendosur duart e vogla mbi gjunjë.
