Ministria e Mbrojtjes ka konfirmuar vdekjen e ushtarakut shqiptar me mision në Afganistan. Në një njoftim zyrtar të ministrisë thuhet se ngjarja ka ndodhur mbrëmjen e djeshme në orën 22:40 me orën lokale të Afganistanit.
Ndërsa ende nuk bëhen të ditura rrethanat si ka ndodhur ngjarja.
“Ministria e Mbrojtjes dhe Shtabi i Përgjithshëm i Forcave të Armatosura njoftojnë se dje, në orën 22:40 ora lokale në Afganistan, ka humbur jetën ushtaraku me inicialet XH. J.
Autoritetet e Ministrisë së Mbrotjes dhe Shtabit të Përgjithshëm të FA po bashkëpunojnë me komandën e operacionit për të bërë hetimin e plotë të rrethanave në të cilat ka ndodhur ngjarja”, thuhet në njoftim.
Ndërsa i shpreh ngushëllimet familjes, Ministri i Mbrojtjes dhe shefi i Shtabit të Përgjithshëm të FA siguron personelin në mision dhe familjet e tyre se do vijojnë të mbështesin e t’u gjenden pranë për të përmbushur me sukses misionin.
g.kosovari