Një 83-vjeçare ka ndërruar jetë në banesën e saj në qytetin e Durrësit gjatë ditës së sotme, në lagjen nr. 16 të qytetit të Durrësit, pranë stadiumit “Niko Dovana” në rrethana që janë ende të mistershme.
Floresha Shkurti u gjet e pajetë ndërkohë njoftimin në polici e dha nipi i saj.
Kur policia mbërriti në vendngjarje, kërkoi ekspertët e kriminalistikës pasi në trupin e të moshuarës u konstatuan shenja të dëmtimeve fizike.
Policia shoqëroi nipin e së moshuarës në polici ndërkohë gjatë pasdites është shoqëruar edhe nusja e djalit të viktimës.
Policia dyshon se e moshuara mund të jetë vrarë pasi janë konstatuar shenja dhune.
Por, nuk përjashtohet fakti që ajo të jetë rrëzuar aksidentalisht për shkak të moshës.
Do të jetë ekspertiza mjekoligjore që do hedhë më shumë dritë mbi të vërtetë.
/b.d
