Besjana Kosturi, vajza që rrëfeu historinë e përdhunimit të saj nga dy djem në emisionin e pasdites në TV Klan, ka publikuar sot në rrjetin social, Facebook, fotografinë e njërit prej tyre.
Forca e saj dhe manipulimi që arriti t’u bënte agresorëve bëri që ajo t’i shpëtonte agresorëve, megjithatë, Besjana kërkon dënim maksimal për ta.
Ajo ka postuar në llogarinë e saj në Facebook, një shkrim, në shqip e italisht, ku thotë:
“Ky “zotëri” quhet Vergil Sevdalinov. Është një bullgar që në 2008, u arrestua, për përdhunim , dhe shfrytëzim prostitucioni. Lirohet MBAS VETËM 5 VJET BURG, dhe në 26 Janar 2016, rrëmben një gocë, në stacionin e një autobuzi, e mbyll në një kasolle, e rreh me rrip, e përdhunon, dhe masandej e detyron të bëhet prostitutë për të. Goca e traumatizuar arrin të arratiset vetëm pas 11 ditësh. Vergil domethënë, arrestohet për të njëjtën gjë, që ishte dënuar në 2008, ndërkohë që bëri VETËM 5 VJET BURG! Unë mendoj që për krime të tilla duhen të paktën 20 vjet burg , dhe të sigurta, se për ndryshe këta njerëz nuk mësojnë kurrë , mendoj që po ta dinin, që do të hanë burg të gjatë dhe të sigurt, do ta pyesnin veten shumë shumë mirë para që të bënin tilla gjeste! Gjithsesi, no koment për disa raste, në drejtësinë italiane……..disa gjyqtar ishte mirë, që dënimet të rënda dhe të gjata, tja rezervonin njerëzve që përbejnë me të vërtetë rrezik publik, jo vetëm mos paguesve të tatimeve…”.
tvklan/d.i.
